«Lizeaga auzoko proiektuan espazio libreak gehiegi murrizten dira»

Hernaniko Hamaikabat alderdiak, prentsa ohar bi­dez jakinarazi duenez, zen­bait ekarpen aurkeztu dizkio Lizeaga auzoa be­rriro urba­nizatzeko proiek­tuari. Iñaki Arratibel bozeramailearen esa­netan, «es­pa­zio libreak gehie­gi murriz­ten dira. Bizi­lagunek ko­txeak aparkatze­ko espazioa behar dutela ez dugu za­lantzan jartzen, bai­na gure esku dago espazio libreen eta aparkalekuen arteko oreka lortzea».
Hori horrela, honakoak dira proiektuari aurkeztu diz­kion ekarpenak: «Lizea­ga 32 eta Madalena 8 ar­tean, orain­go espazio ber­dea ken­tzea ez dugu ego­kia ikusten. Lortzen diren aparkalekuak gutxi dira eta Lizeagak es­pazio libreetan dituen gabe­ziak areagotu egiten ditu. Sortzen den aparkalekua eta espaloia Madalena 8tik me­tro eskas batera geratzen da eta etxe­bizitzen parean gera­tzen dira. Eta antza denez, Li­zea­ga 32ko Madalena ka­lean egun dagoen sarrera kenduko dute. Proiektu ho­nekin bi etxe hauetan bizi­kalitaea galtzen dute. Ko­txeen aparkaleku beharrak ez du dena justifikatzen».
Aparkalekuen beharra ase­tzeko proposatzen duen konponbidea da, San An­to­nio Paradorean sortu den aparkalekua behar bezala ego­kitzea eta Lizeaga kaleko ezker aldean bateriazko apar­kalekuak egitea.

Adineko pertsonentzat, ejerzizio jokuak
Beste proposamen batzuk ere aurkeztu ditu Hamaika­batek: «Gaur egun Lizeaga 32 eta Madalena 8 tartean da­­goen espazio horretan adi­­neko pertsonentzat ejer­zi­zio jokuak jartzea proposa­tzen dugu». Horrez gain, Lizeaga kaletik Lizarraga kalera jaisteko dauden eskai­lerak aldatzea proposatzen da eta honakoa dio Hamai­kabatek: «Eskailera berriak espazio pribatutik pasatzen dira eta horrek zaildu egi­ten du proiektuaren ejeku­zioa. Gure ustez, espazio pribatua erabiltzea ez da beharrezkoa eskailerak be­rritzeko, eta beraz, Lizeaga 16ak egun duen espazioa mantendu beharko litzate­ke».