Berria Txapelketa gaur hasiko da Hernanin, Oiarpe eta Txaruta taldeen arteko lehiarekin

GAur hasiko da sona haundia duen Berria Txapelketa. Hernanin ekingo zaio txapelketari, Oiartzungo Oiarpe eta Baztango Txaruta taldeen arteko lehiarekin. Gaueko 21:00e­tan izango dira partiduak.
Kadeteetan, Ugalde II-Imaz eta Untxalo-Trantxe izango dira aurrez aurre. Ju­beniletan, Sarasti-Imaz eta Ariz­­mendi-Apeztegia neurtuko dira. Eta seniorretan, Aran­buru-Ugalde eta Arraz­toa-Otxandorenak jokatuko dute.
Bihar ere beste kanporaketa bat jokatuko da Her­na­­nin. Di­mako Txumuluxueta eta Do­nez­tebeko Erreka izan­go dira aurrez aurre, arratsaldeko 17:00e­­­­tatik aurre­­ra. Kadetee­tan: Gonza­lez-Ibarron­do/Te­lle­txea-Elizalde. Jubeniletan: Zia­­­rrus­ta-Etxeberria/Maia-Lasa. Eta se­nio­­rretan: Etxe­ba­rria-Etxeba­rria/Esain-Mada­ria­ga.
Hernanin hasi eta Hernanin bukatu. Finala ere bertan jokatuko da, martxoaren azken asteburuan.

Euskal Herriko 24
elkarte onenak
Berria Txapelketan Euskal He­rriko 24 elkarte onenek hartuko dute parte.   Tartean, Herna­nik. Gipuzkoako zortzi elkarte ari­ko dira, Nafarroako zazpi, Biz­kaiako sei, Arabako bi eta Ipar Euskal Herriko selekzio bat.
Galdakaoko Adiskide da egungo txapelduna, Aurrera Saiaz Tolosako taldeari eroso irabazita finala. Bi talde horiek faboritoen zerrendan daude aurten ere. Hala ere, aurtengo faborito nagusia, Amezketako Zazpi Iturri da. Horrez gain, talde sendoa daukate, besteak beste, Hernanik, Alegiko In­txu­rrek, Bergarak eta Liza­rrako San Miguelek.

Aurtengo berezitasuna,
tantoen sistema
Lehiaketa sistema azken urteetako berdina izango da. Ka­de­teen, jubenilen eta seniorren mailan jokatuko dira partiduak. Garaipena bi norgehiagoka irabazten dituenak lortuko du, baina aurten bada berezitasun bat: lehenengo bi partidak elkarte berdinak irabazten baditu, tantoen sistema aplikatuko da, gazteenei presioa kentzeko helburuarekin.

Sari berdinak
Sariak iazko berdinak izango dira: elkarte txapeldunaren­tzat 3.000 euro eta pelotari bakoitzari oroigarria eta txapela; azpitxapeldunarentzat 2.000 euro eta seina oroigarri; hirugarren eta laugarrenentzat 1.000na euro; eta bost eta zor­tzi bitarteko postuetan sailka­tzen direnentzat 500na euro.