Ibarluzen, Garbigunea egingo du San Marko Mankomunitateak eta astelehenaz geroztik, konkurtso fasea zabalik dago obrak egingo dituena kontratatzeko. Konkurtsora aurkezteko epea otsailaren 9ra arte izango da. Proposamenak San Marko Mankomunitateko Sarrera Erregistroan aurkeztu behar dira 08:00etatik 14:00etara. Aurrekontua, 660.531,65 eurokoa da. Behin aukeraketa eginda, berehala hasiko dira Garbigunea eraikitzen eta abuztu aldera bukatua egotea aurreikusten da.
Garberako Garbigunea baino zertxobait haundiagoa
Ibarluzen
Udalak, 3.578 m2 ditu eta horietatik 2.487,12 m2 Garbigunearentzat izango dira. Garberako Garbigunearen antzekoa izango da, zertxobait haundiagoa. Arraun elkarteko lokal berria ere Ibarluzeko partzelan egingo dute; izan ere, egungo lokala bota egingo dute Abiadura Haundiko Trenagatik.
Atez Ateko sisteman bildu ezin diren hondakinak, Garbigunera
Garbigunera eraman behar dira Atez Ateko sisteman bildu ezin diren hondakinak: olioa, etxe-tresna txikiak, altzariak, disolbatzaileak, pilak, bateriak, traste zaharrak, bideo-zintak, CDak, bonbillak, plastikozko jostailuak, pinturaz edo disolbatzailez zikindutako trapuak... Horrez gain, kimaketa adarrak ere Garbigunera eraman litezke. Garbigunea dohainik izango da, Garberakoa den bezala. Herritarrek tamaina haundiko gauzak ezin badituzte eraman Garbigunera, Udalak biltzen ditu, norberaren etxean. Hori kobratu egiten du, 12 euro.