Hernaniko Ezker Abertzaleak, azken hilabeteetan egin duen herriko diagnostikoari buruzko mintegia antolatu du larunbatean. Biteri kultur etxean izango da goizeko 10:00etan. Diagnostikoan, herriko arlo ezberdinetako egoerak aztertu dira. Hamaika izan dira, hain zuzen: parte hartzea, parekidetasuna, euskera, kultura, kirola, inmigrazioa, auzoak, hirigintza, ingurumena eta energia, tokiko ekonomia eta gizarte zerbitzuak. Mintegia, arlo bakoitzean egoera nolakoa den azaldu eta aportazioak jasotzeko egingo da. Helburua da, horren bidez, datorren legealdirako herri programa osatu ahal izatea datorren hilabeteetan.