Hernaniko lau bikotek jokatuko dituzte Euskal Herriko final erdiak datorren asteburuan. Gipuzkoakoan erabat nagusitu ziren hernaniarrak, eta Euskal Herrikoan ere marka bera egiteko bidean dira. Jubeniletan, Goikoetxea-Huizi, Pagola Arrieta eta Irazustabarrena-Semper sartu dira final erdietan, eta nagusietan, Manzisidor Lukas. Eskuz, bi partidu irabazi eta bi galdu dituzte hernaniarrek.
Gipuzkoako Trinkete Txapelketan, bost hernaniarrek lortu dute azken fasera sartzea: Egoitz Altuna, Ander Lopez, Jon Etxegoien, Aritz Otaegi eta Mikel Zurutuzak. Zorte txarra izan duena Eñaut Esnaola izan da; partidu bakarra galdu arren, mailaz ez jaisteko partidua jokatu beharko du datorren astean.