«Jokuarekin geneukan arazoa onartu, eta taldea sortu genuen Hernanin, erabat hondatuko gintuen bestela». Hori dio, Hernaniko Jokulari Anonimoak elkarteko kide batek. 1990ean sortu zen Hernaniko taldea, urtarrilaren 10ean, eta beraz, gaur bete ditu 21 urte, Euskal Herriko lehen taldeak.
«Ehundaka lagunek jokua utzi dute, talde honi esker»
Txus Congilen laguntzarekin sortu zuten taldea, eta asteartero biltzen dira Sandiusterrin. Geroztik, terapia horiei esker, ehundaka izan dira jokua utzi dutenak, «askok eta askok jokua utzi dute, eta beren bizitzak berriz eraiki dituzte; izan ere, puntu batetik aurrera, jokulariak ezin izaten du elkarbizitza izan».
Hasierako baloreekin jarraitzen dute talde honetan: erabat anonimoa da, eta ez da inor diskrimitzen. Debalde da, eta baldintza bakarra bete behar da: jokua uzteko benetako nahia izatea.
LUDOPATIA DATUAK
Tragaperra adikzioa %89
Bingoak, kasinoak %7
Loteria, errifa, kiniela... %4
ELKARTEARI BURUZ
Bilera eta terapiak, asteartero.
Informazio pertsonala ostegun eta ostiraletan.
Informazioa: 943331103 - 565
hernani@jugadoresanonimos.org