lau entsaio egin zituen Hernanik, eta bonus bat lortu zuen horregatik. Gehiago egin zezakeela erakutsi zuen, ordea, Hernanik, eta zapore mikatza ekarri zuen Faduratik, Getxo liderraren etxetik.
Liderra beti lider
Ez dago despistatzerik liderraren kontra, eta atzo hori egin zuten hernaniarrek. Lehenengo minutuetako despistea aprobetxatu zuen Getxok, eta 28-12 joan ziren atsedenaldira. Bigarren zatian erakutsi zuen Hernanik zenbateraino den. Estutu zuten liderra, gogor estutu ere, eta puntu-puntuan izan ziren harrapatzeko. 3 puntu gehiagorekin beste bonus bat lortuko zuten, 7 puntu edo gutxiagoko aldeagatik galtzeagatik. Bonus bat lortu zuten behintzat, lau entsaiorengatik: Iraitz Garmendiak, Igor Etxeberriak, Borja Rodriguezek eta Mikel Orbegozok egin zituzten entsaioak.
Bosgarren, sailkapenean
Hernanik bosgarren jarraitzen du sailkapenean. Hernaniarren motorrak berotzen ari zirenean iritsi da Getxo liderra, eta hurrengo partiduan irabazi beharko du Hernanik. Landaren jokatuko dute, Oviedo taldearen kontra, igandean.