Bertso jaialdiarekin asetu ez zenak bertso afaria izango du bihar Martindegin

Urtero bezala, Gabon hauetan ere bertsoaz gozatzeko aukera izan da Bertsolatari esker. Bertsoari eta Hernaniko bertso eskolari lotutako ekintza ugari izan dira. Eta guztia borobiltzeko, bertso jaialdia izan zen atzo Biterin, areto nagusia lepo zela. Punta-puntako sei bertsolari aritu ziren bertsotan: Amets Arzallus, Unai Iturriaga, Igor Elortza, Unai Agirre, Iker Zubeldia eta Asier Azpiroz. Bertsolata bukatu den arren, bertso gogoz denak, bertso afaria du bihar Martindegin. Etxebe­rria sa­gar­dotegian izango da. Jon Maia eta Se­bas­tian Lizaso ariko dira ber­tsotan. Txartelak salgai daude Oialu­me tabernan, 30 euroan.