Hiru Errege, mila umeren poza

gaur goizean esnatu eta opariak izango zituen batek baino gehiagok, Errege Ma­goek ekarrita. Izan ere, atzo arratsaldean iritsi ziren Her­nanira opariz beteta. Eta etxez etxeko lanari ekin aurretik, herrian barrena ibili ziren Meltxor, Gaspar eta Baltasar laguntzaileekin batera. Kabal­gatan zehar, goxokiak banatu zituzten, urtero bezala, eta ondoren, txikienek hainbeste esperotako mo­men­tuaz goza­tzeko aukera izan zuten Erre­geekin Ar­kupeetan. Muxuak eman eta jaso, sekretutxoak elkarri kontatu, gutunak eman... eta noski, oparitxo banarekin etxeratu ziren. Errege Magoek aurten ere ez zuten hutsik egin Zaharren Egoitzan eta kabalgata aurretik bertan ibili ziren opariak banatzen.