Punk-Rock doinu berrienak, gaur Hernanin

Kontrakantxan sekulako kontzertua izango da gaur, 22:30etatik aurrera. He­sian eta Sindrome de Parker taldeak ariko dira, batez ere punk-rock estiloko bi talde. Hesian taldea izen haundia ari da hartzen, eta gaur bi lan berri dakarzki: ekainean ka­le­ratu duten diskoa, Bo­rro­katu eta Irabazi; eta labetik atera berri duten abestia, Biho­tzetik Mundura, Boiseko (Idaho, AEBak) ikastolarako egin dutena. Sindrome de Parker talde hernaniarrak pau­so bat gehiago eman nahi du, musika aretoetan pixkanaka irabazten ari den terrenoan.

‘Borrokatu eta Irabazi’,
taldearen islada
Hesian taldeak gero eta ja­rrai­­tzaile gehiago ditu. Go­gor lan eginda lortu dute dauden tokian egotea, eta gaur indarberrituta datoz, disko berriarekin, aldaketa garai baten ondoren. Horren islada da, diskoaren izena bera, Borrokatu eta Irabazi, hamaika abestiko lana.
Horrez gain, kanta berri-berria ere badakarkite, Biho­tzetik Mundura izenekoa, in­ter­neten 2.500 sarrera inguru izan dituena dagoeneko, eta Boi­seko ikastolak eskatuta egindakoa. «Gogo haundiz egin ere», dio Xabier Larrain­zar taldeko gitarrajoleak. La­rrain­zar Iruñakoa da, eta Her­nanin bizi da azken bi ur­tee­tan. Berak dioenez, taldea ilusioz gainezka dago azken aldian, eta Hernanin jotzea ere berezia da beraientzat: «Hernanin jotzeko ilusioz gaude; ni, pertsonalki, he­men etxean sentitzen naizelako; eta taldearentzat ere berezia da, eskualde honetan, oso ondo konektatu du­gulako. Gogoan dugu 2009­an Her­nanin egin genuen kon­tzertua; ederra izan zen, eta espero dugu,  gaur ere  orduko giroa izatea».
Zortzi kide dira taldean, denak na­fa­rrak, eta ia denak Sa­ka­na­koak. Punk-a jotzen dute, me­lodia askorekin, eta bi aho­tsetara egiten dituzten duoek ikutu berezia ematen diote. Hiru haize instrumentu ere badituzte, tronboia, tronpeta eta saxoa... dantza zaleentzat, koktel ezin hobea!

Sindrome de Parker, lau hernaniar, estilo pertsonala
Hernaniko taldea da Sin­drome de Parker. Rock mundua betitik bizitu dute, baina taldea iaz egin zuten, 30 urte zituztela. Oso gusto definitua du laukote honek, eta hortik, ezagun egin dituen rock estilo hain pertsonala. 2009an jo zuten Zikuñagan lehen aldiz, eta pixkanaka, musika aretoetan lekua egiten ari dira.

HESIAN: Sakana, 2006
Punk musika egiten dute, dezente melodikoa, eta dantzarako egokia. Bereizgarriak: Emakumezko eta gizonezko aho­tsak duoan ari­tzen dira kanta guztietan. Hiru haize instrumentu erantsi dizkiote betiko gitarra, bateria eta baxuari: tronboia, tronpeta eta saxoa.
Hiru disko kaleratu dituzte:
Maite dugu (2007);
Herriaren Oihua (2008); eta
Borrokatu eta Irabazi (2010).
Hurrengo kontzertuak:
- Urtarrilak 12, Txantrea.
- Urtarrilak 28, Tolosa.
- Otsailak 19, Gernika.

SINDROME DE PARKER: Hernani, 2009. Laukote hernaniar hau 30 urterekin hasi zen rock munduan. Beti gustatu izan zaiena egiten dute, eta oso estilo berezia dute. Kanta ezagunenak: Tu reclamo, No te vayas...