Hirugarren adinekoei zuzenduta, Imsersok Termalismo Sozialeko Programa antolatu du, urtero bezala, eta Ongintza Udal Patronatutik jakinarazi dutenez, izena emateko epea zabalik dago. Eskaerak aurkezteko bi epe daude: alde batetik, otsailetik abuztura bitarteko egonaldiak eskatzeko, urtarrilaren 15a baino lehen eman behar da izena; eta bestetik, irailetik abendura bitarteko egonaldiak eskatzeko, maiatzaren 15a baino lehen.
Eskaera orriak Ongintzan edo Goiz Eguzki jubilatu etxean jaso daitezke.
60 urtetik gorako
pentsionistak eta alargunak
Programan parte hartzeko honako baldintzak bete behar dira: programan parte hartu dezakete gizarte-segurantza sistemako pentsionistek eta alargunek, 60 urte bete badituzte; buruko arazo larriak edo gaixotasun kutsakorrik ez dutenak; bere kabuz moldatzeko gai direnak; tratamendu termalak hartzeko kontraindikazio medikorik ez dutenak...