Udalaren hiru etxebizitza alokairuan, aurreneko aldiz

Lehenengo aldiz, hiru udal etxebizitza alokairuan jarriko ditu Udalak Elizatxo, Elkano eta Victor Hugon. Hala adierazi du: «Herrian etxebizi­tzak izu­garri garesti daudenez eta etxebizitza izateko eskubi­dea bermatzea zaila denez, Her­na­niko Udala kezkatua da­­­go as­paldi. Horregatik, udal etxebi­zi­tzak alokairuan jartze­ko po­li­tika garatzen hasi da eta aurre­rantzean horren aldeko politika sendoa egingo du». Hori ho­rrela, jakinarazi du lehenengo urratsa Udalaren hiru etxebi­zitza alokairuan jartzea izango dela eta Txan­txillako etxeak bu­katzean, Uda­­­­larenak diren 10 etxe­bizi­tzak ere alokairuan jarriko di­tuz­tela. Elizatxon, Elkanon eta Vic­tor Hu­gon dauden hiru etxe­bizi­tzak, behar gehien duten her­naniarren artean zozke­ta­tu­ko ditu Udalak. Parte har­tzeko eskaera bete behar da uda­letxean, zenbait baldin­tzarekin: eskaera egin aurretik Etxebi­deren zerrendan izena eman behar da; Hernanin azken bi urteetan jarraian erroldatuta egon behar da edo azken hamar urteetan bost urtez; eta urteko diru-sarrerak 12.000 eta 45.500 euro artekoak izan behar dute. Udalak 5 urtez utziko ditu etxeak. Epea beste 3 urtez luzatzeko aukera izango da.