Zabor bilketa berezia, Gabonetan

Gabonak direla eta, atez ateko zabor bilketan aldaketak izango dira. Batetik, bihar eta urtarrilaren 6an Udalak kartoia eta ontzi arinak biltzeko puntu ber­de bat jarriko du herritar guztientzat Ur­bieta kalean (frontoi­a­ren aurrean), goizeko 11:00e­tatik 13:00e­tara eta arratsaldeko 16:00etatik 19:00etara.

Bes­tetik, Kaxkoko eta inguruko atez ateko bilketan aldaketak izango dira. Aldaketek kale hauetan bizi diren he­rri­tarren­gan izan­go dute eragina: Atzie­ta, Gudarien plaza, Ezkiaga, Itu­rriaga, Izpizua, Kardaberaz, Na­far kalea, Biteri, kale Nagusia, Pla­za berri, Urbieta kalea (Elka­no eta Atzie­ta kaleen artean) eta Zapa. Bihar ez da errefusa bilduko, eta ho­rren ordez gaur bilduko da, 14:00etatik 17:00e­­tara. Gaur eta 31n hondakin or­ganikoen bilketa aurreratu egingo da, 22:00etan hasiko baita.

Eremu bereko dendariek eta tabernariek ere aldaketak izango dituzte. Gaur eta 31n, 14:00etatik 17:00ak arte jasoko da errefusa. Horrez gain, urtarrilaren 1ean gauez atera ahal izan­go dute errefusa, gainerako herritarrekin batera. Gaur eta 31n hondakin organikoen bilketa aurreratu egingo da, 22:00e­ta­tik aurrer­a izango da. Bestetik, ga­bon egun horietan jendea ka­lean ibiltzen de­nez, bilketa bu­ka­tu bezain pronto, dendariek eta ta­ber­nariek edukiontziak lokal ba­rru­ra sartu beharko di­tuz­te, ko­mert­zioa itxita egon arren. Den­da­ri eta tabernariek ere erabili ahal izango dute pun­tu berdea pa­pe­­ra, kartoia eta ontzi arinak pilatuz gero, aurrez aipatutako ordutegi berean.