«Diabolikoa da, jatekorik ez dutenei esker aberasten den gizarte bat»

«Lehen Munduak abu­satu egiten du Hirugarren Mun­­duarekin, maila ekonomikoan, maila sozialean, kulturalean, politikoan eta erlijiosoan». Hori salatu zuen atzo Angel Olaran misiolari hernaniarrak, Gipuzkoako Diputa­zioko Areto Nagusian, Gipuz­koako Urrezko Medaila eman zioten ekitaldian.
Markel Olano Ahaldun Na­gusiak egin zion ongietorria Diputazioan, eta dantza, laudatio bat, eta bertsoak ere izan ziren, sari-emate ekitaldian. Markel Olanok esker oneko hitzak izan zituen, eta bertsoak Maialen Lujanbiok kantatu zizkion.

Ekitaldian jende ezagun asko zen, eta hernaniar asko ere bai: Hernaniko alkate eta zinegotziak, Setien gotzain ohia, Ola­ranen familiarteko eta lagunak...

«Kontradikzioa sortzen dit horrelako ekitaldi batek»
Bideo batean kontatu zuten Angel Olaranek Afrikan egin duen lana, azken 40 urteetan; hasi Tanzanian, eta orain Wukron, Etiopian.

Ondoren, Olaranek hartu zuen hitza, eta adierazi zuen kontradikzioa sortzen ziola horrelako sari bat jasotzeak. «Aberatsen mundutik begiratuta, txalogarria da horrelako ekitaldi bat; baina po­breen mundutik, txalo ho­riek, goragalea ere eman lezakete». Abuso hitza erabili zuen Hirugarren Munduare­kin egin dena deskribitzeko. «Oso tristea da, batzuk aberastasunean bizi diren bitartean, beste batzuk ondoan miserian izatea. Baina jatekorik ez dutenei esker aberastea, hori diabolikoa da. Dea­brua bera ere bildurrez egongo da mundu honi begira».    

«Orain 500 urte hasi zen Afrikako tragedia»
Gaur egun egiten denak izenik ez duela adierazi zuen Ola­­ranek. «Orain dela 500 ur­te inguru, hiru karabela iri­tsi ziren Europatik Afri­kara. Or­duan hasi zen tragedia. Le­he­nengo esklabutza, gero kolo­nia­lismoa, eta orain... orain­goak ez du izenik! Gaur, inoiz baino harroago defenda­tzen dugu gure demokrazia, zi­bilizazioa, eta gizatasuna... eta inoiz baino hildako gehiago eragiten da... eta onartu».