Larunbat honetan Emakumea Pilotariko Gipuzkoako finalak jokatu dira Tolosako Beotibar pelotalekuan eta bertan, 6 hernaniar izan dira protagonista. Horietatik, Amaia Irazustabarrenak, Maider Semperrek eta Eneritz Perezek jantzi zituzten txapelak. Jubeniletan, bi bikote hernaniar lehiatu ziren: Amaia Irazustabarrena-Maider Semper/Miren Goikoetxea-Maider Huizi eta aurrenekoek irabazi zuten 30-20. Lau pelotariak ondo aritu ziren eta agerian utzi dute modalitate honetan Hernanik duen harrobiaren maila. Senior bigarren mailan, bi atzelari hernaniar izan ziren aurrez aurre: Eneritz Perez eta Eli Gutierrez. Perezek Bañalesekin jokatu zuen eta 30-17 irabazi zieten Lendinez eta Gutierrezi. Txapeldunak hasieratik nagusitu ziren. Bi finaletan Irazustabarrena eta Perez izan ziren gehien nabarmendu ziren pelotariak.
Ander Lopez eta Mikel Zurutuza txapelketako azken fasean, trinketean Gipuzkoako Trinkete Txapelketan, txapelketako azken fasea jokatzeko sailkatu dira, Ander Lopez jubeniletan, eta Mikel Zurutuza senior bigarren mailan. Lopezek 35-20 irabazi zion Urnietari eta Zurutuzak 40-13 Gaztelekuri. Hodei Noble berriz, txapelketatik kanpo geratu da, partidu baten faltan, 12-30 galdu ondoren, Intzaren aurka.