Urtetik urtera gehiago erabiltzen da enkarguak egiteko furgoneta zerbitzua

Landa eremuan bizi diren 65 urtetik gorako pertsonei eta mugikortasun arazo haundiak dituzten pertsonei zu­zen­duta, Bidez Bide, enkarguak egiteko furgoneta zerbi­tzua dago 2008tik, eta urtetik urtera gehiago erabil­tzen dela jakinarazi du On­gin­tza Udal Pa­tro­natuak.  «Iaz, ur­­te osoan 756 bidaia egin ziren (egunero 3,3), aurten be­rriz, 2009ko irailetik 2010eko abuztura, 1013 bidaia egin dira (egunero 4,5)». Urte osoko datuak biltzean jakinaraziko dituzte.
«Datuek argi uzten dute furgonetaren erabilera errotuta dagoela. Egunetik egunera erabil­tzaile gehiago daude eta erabiltzaileek maizago darabilte», gaineratu dute. Hori ho­rrela, «landa eremuko he­rri­tarrek zerbitzuarekin gustora eta pozik daudela ikusita», 2011 urterako konbenio berria sinatuko dute Ongintza Pa­tro­natuak eta Behemendi Landa garapenerako elkarteak.

Furgoneta gehien erabiltzen dutenak, Ereñotzuarrak
Erabiltzaileen jatorriari erreparatuz, furgoneta gehien erabiltzen dutenak Ereñotzuko biztanleak dira (13 erabiltzaile), gero Ugaldetxokoak (6 erabiltzaile) eta Pagoaga eta Akarregi (4na erabiltzaile). Guztira 39 pertsonek erabil­tzen dute zerbitzua. Eta egiten diren bidaien %62a Ereño­tzu­ko erabiltzaileek egiten dute.
Erabilera, egunaren araberakoa ere ezberdina da. Os­teguna, feri eguna da furgoneta gehien erabiltzen den asteko eguna %33,4; eta astelehena gutxien %12,8.

Zerbitzua astelehenetik
ostiralera, goizetan
Bidez Bide zerbitzuarekin, mu­gikortasun arazo haundi­ak dituzten pertsonei eta lan­da ingurumean bizi diren adineko pertsonei aukerak eman nahi zaizkie beraien ez ohiko eginkizunak (medikura joan, erosketak egin...) beraien kabuz egin di­tzaten. Horre­ta­rako, furgoneta egokitu baten zerbitzua es­kaintzen da astelehenetik ostiralera, goizeko 08:00etatik eguer­diko 12:00e­tara. Erabil­tzai­leak bere herriko erdigunera jaisteko aukera du eta etxerako buelta txoferrarekin adosteko aukera du.

Funtzionamendu erraza
Bidez Bide furgoneta zerbi­­tzuaren funtzionamendua oso erraza da. lehenik eta behin, Ongintza Patronatuan eman behar da izena eta eskaera onartzen badute, gidariaren mobilaren zenbakia emango zaio. Herrira joan behar duenean txoferrari deituko dio eta zita egingo dute. Komeni da egun bat edo bi lehenago dei­tzea, txoferrak bere egutegia antolatu dezan. Eguna zehaztuta, txoferra etxeko atarira joango da bila. Herrira eraman eta bertan enkarguak egin ondoren, txoferrak etxera eramango du berriz. Ongin­tzako telefono zenbakia: 943 55 78 54.
 
Autonomia bultzatzea eta bazterketa saihestea,
helburu
Zerbitzu honen helburuen ar­tean, 6 dira Ongintzak eta Behe­mendik azpimarratzen di­tuztenak: erabiltzaileek au­to­­nomia gehiago lortzea; be­ren kabuz mugitzeko zailtasun haundiak dituztenei gi­zarte gorabeheretan gehiago parte hartzen lagundu; gizarte bazterketa saihestea; hiri eta landa eremuko harremanak eta loturak mantendu eta bultzatzea; pertsona ahal den neurrian bere ingurunean mantentzea; eta hirigunera hurbiltzeko zailtasunak saihestea.