asko dira denbora faltagatik, ordutegi arazoengatik edota bestelako arrazoiengatik euskera ikasteari utzi diotenak. Eta horri erremedioa jartzeko asmotan, AEKko ikasle talde batek AEGI (Atsegindegiko Euskera Gune Iraunkorra) proiektua jarri du martxan. Aurkezpena abenduaren 27an egingo dute, 16:00etan, Atsegindegin. Proiektu honi esker, euskera praktikatu nahi duten herritarrek egunero izango dute aukera Atsegindegin. Arratsaldeko 16:00etatik 20:00etara norbait egongo da bertan, hurbiltzen direnekin euskera praktikatzeko.
Ideia AEKko ikasle talde batena izan bada ere, Udal Euskaltegiarekin, eta Hernaniko beste hainbat talderekin ere hitz egin dute, eta hauek ere azaldu dute bere aportazioa egiteko konpromisoa.
Honera etorri gera
ekimen bat aurkeztera
lotsa gabe esateko
euskara ikasle garela
Bururatu zaigu gauza bat
orain goaz azaltzera
gune euskaldun iraunkor
bat goaz irekitzera.
Zuen laguntza behar dugu
hobetzeko gure hizkera
mintza praktika eginda
ikas dezagun batera
zahar gazte ta nerabe
alda dezagun jarrera
hori da gure asmoa
zabaldu ta indartu euskera.