HERNANIN kandidatura ateratzeko lanean ari direla azaldu zuen atzo, Aralar alderdiak, Biterin egin zuen prentsaurrekoan. Prentsaurrekoan, Ernesto Merino aurkeztu zuten, Donostialdeko zerrendaburu gisara, Gipuzkoako Diputazioko Batzar Nagusietarako. Aralar alderdiak emaitza ona espero du 2011ko Udal eta Foru Hauteskundeetan, eta politika ezkertiarra eta abertzalea egingo duela adierazi zuen.
«Inkestek, 5 batzarkide»
Xabier Peñagarikano, Ernesto Merino eta Rebeka Ubera izan ziren atzo Biterin, eta adierazi zuten, hauteskundeetan 5 batzarkide lortzea posible dela. «Inkestek hala eman dizkigute; orain 2 batzarkide ditugu eta gehiago lortzea espero dugu». Politika abertzalea eta ezkertiarra egitea du helburu Aralarrek, atzo adierazi zutenez: «EAJk eta Hamaikabatek politika neoliberala egin du Diputazioak, %37,8 errepideetara bideratzen da; %31 gizarte politakara. Horren aurka egin behar da. Gizarte politikak sendotu nahi ditugu, eta zerbitzu publikoen pribatizazioei mugak jarri nahi dizkiegu. Eragile sozial eta sindikalekin harremanak sakondu...»
Euskarak aurrekontuetan %20ko beherakada izan du bi urtetan, eta hori onartezina dela dio Aralarrek, euskaltzaleen ikuspuntutik.
Aralarrek proposatuta bi aldaketa izan dira azken legegintzaldian, esanguratsuenak: Lurraldebus txartelean %40ko deskontua, eta 10 urtetik beherako umeek dohainik bidaiatzea.