Bideo bat emango dute lehendabizi eta gero lau etorkinek hitz egingo dute, larunbatean Biterin, Amher-Sos Arrazakeria taldeak antolatuta. Migranteen Nazioarteko Eguna da etzi, abenduak 18, eta hori dela eta prestatu dute hitzaldia, azken urteetan munduko zenbait herritatik Hernanira etorri direnei errekonozimendu gisara. «Etorkin horiek bizitzeko aukeratu dute gure herria, eta gure artean daude, beraien bizi-proiektuekin, zailtasunekin eta ilusioekin».
Maitena Salinasen ‘Pangea’
Batetik Pangea bideoa proiektatuko dute, ekitaldi hasieran, Maitena Salinas zuzendariarena. SOS Arrazakeriak egin du bideoa, Gipuzkoa Solidarioa ekintzarako.
Lau etorkin: Damian, Fatima, Yamilet, eta Ibrahim
Pelikula ikusi ondoren, lau herritatik etorritako lau pertsonek hitz egingo dute, eta beraien bizipenak kontatatuko dituzte: Ibrahim (Mali), Yamilet (Kolonbia), Fatima (Maroko, goien argazkian), eta Damian (Argentina).
Zergatik aukeratu zuten Hernani? Nola ibili ziren iritsi berritan? Zein itxaropen zituzten? Hizlariek azalduko dute, herrialde berri batera iristean zein zailtasun aurkitzen dituen pertsona batek: lana, etxea, erroldatzea... Edo baita zailtasun pertsonalak ere: eskubide-gabezia, familia-falta, diskriminazioak...
Kontatuko dute, baita ere, zailtasunei aurre egiten eta konpontzen nola ari diren.