Kale edo bale! Finalerako txartel bakarra jokoan

Faborito Urtasun eta San Miguel aterako dira. Fina­lerdietako azkeneko partidua dute, eta irabazten duenak jokatuko du finala, larunbatean, Urriza eta Etxeberria IIIa­ren kontra.
Zeberio IIa eta Ion dira beste bi kandidatoak. Eurek irabazi zuten finalerdietako lehenengo partidua; justu, oso justu: 40-38. Biga­rren partiduan, Urtasun eta San Mi­guelek oso erraz irabazi zu­ten; 40-26. Errazegi? Joku pun­­tu izugarrian da San Mi­guel; hori hala da. Eta atzo erabat nagusitu zen. Baina Zeberio IIak ez zuen zezakeenik jokatu (bera da txapela gehien dituen pelotaria); hori ere egia da. Gaur, kale edo bale jokatuko dute. Irabaziz gero, finalera; galduz gero, etxera.
Gaurko jaialdia 16:00etan hasiko da, eta lau partidu jo­ka­tuko dituzte. Txapel­ke­ta­koa, bigarrena.

Finala, larunbatean
Galarretak urteko egunik ga­rrantzitsuenetakoak bizi ditu Gabon bezpera hauetan. Bi­nakako Txapelketa Nagusia ari dira jokatzen, Azysa Torneoa, eta larunbatean jo­katuko dute finala, 16:00etatik aurrera. Zain daude Urri­za eta Etxeberria III. Beste biak zein izango diren... auskalo! Gaur behintzat ikuskizuna segurua da.