Hernani bizirik mantentzen duen garaipena

hil ala biziko partidua zuen atzo Hernanik Landaren. Universidad de Vigori gailen­tzea lortu zuen, gora behera asko izan zituen partiduan. Ez zen partidu erraza, vigotarrak 2garren dira sailkapenean eta hain zuzen, postu hori da Hernanik eskuratu behar duena, azken urteetan bezala, Play-off jokatzeko. Lehe­nen­go zatia oso pa­rekatua izan zen, eta atsedenaldira 7nako berdinketarekin joan ziren, talde bakoi­tzak entsaio bana eginda. Bigarren zatian Hernani gogotsu irten zen garaipenaren bila, eta 10 minutan, bi entsegu lortuta, 19-7 jarri zi­ren aurretik. Laugarren en­tsegua egiteko zori-zorian ere egon ziren, baina zorte txarra medio ez zuten lortu. Hortxe etorri zen hernaniarren ma­kalaldia. Ne­keak eta galiziarren erreakzioak eraginda, atzean sartuta egon ziren partidua amaitu bitartean. Ha­la ere, defentsan sendo ari­tuta, garaipen ga­rrantzitsua eskuratu zuten, 19-14.