Urtekari berria, 2010ekoa herritarren eskura egongo da aste bukaeratik aurrera. Ostiral iluntzean aurkeztuko dute Udaleko Areto Nagusian. Bertara gerturatzen diren hernaniarrek aurkezpena entzun eta ale bat hartzeko aukera izango dute. Besteek salgai izango dute ohiko postuetan, hau da, Elkar, Leokadisti eta Sebas liburu-dendetan.
Historia, gertaerak,
kirolak, natura...
Hemezortzi erreportajez osatu dute Urtekari berria, historia, eta lehengo eta oraingo notiziekin. Erreportajeak, bertako eta inguruko egileek eginak dira, beti ere Hernani gai hartuta. Garai bateko erreportajeen artean, honakoak daude: Memoria Historica: Hernani, una referencia, 25 años de Proyecto Hombre Gipuzkoa, Hernaniko historiaren bitxikeriak eta Zabor bilketa Hernanin azken ehun urtean: zaborra atez ate biltzetik egungo atez ateko sistemara gaikako bilketa sakonduz. Kirolak ere badu protagonismo berezia aurten: Galarreta Jai-Alai, erremontearen katedrala, Hernaniko Motolagunak eta Hernani Kirol Elkarteak, 23 urte erreportajeak aurki ditzakegu bertan. Hernaniko obrak ere badute presentzia Urtekarian, eta hauei erreferentzia egiten dien bi erreportaje idatzi dituzte: batetik, Galarreta encuentra su futuro artikulua, eta bestetik, Parque de Villa Ave Maria erreportajea. Azkenik, bestelako erreportaje ugari irakurtzeko aukera ere izango da, hala nola: Villa de Hernani, Harremonak egitasmoa, Hernani-Leitza ibilaldia, 50 urte pausuz pausu, Hernaniko Kronika, 10 urtez egunik huts egin gabe, eta Cronica 2009, kronika. yy