ABENDUAN Gabon giroan murgildu eta ondo pasatzeko ekitaldi ugari izango dira Astigarragan, gehienak bigarren hamabostalditik aurrera. Musika, antzerkia eta Olentzero izango dira protagonistak hilabete honetan. Bihar esaterako, Astigarragako Musika Eskolako Ikasleen emanaldia izango da Norberto Almandoz musika eskolan. Arratsaldeko 18:30etan biolina, zeharko txirula eta gitarra emanaldia izango da. Eta amaituta, piano eta gitarra emanaldia eskainiko dute. Musika Eskolako kontzertuak ostiralean izango du jarraipena, eta leku berean, gitarra taldearen emanaldia izango da, eira, tolare eta saxofoiarekin batera. Musikarekin jarraituz, Gabonetako bi kontzertuak larunbatean izango dira. Alde batetik, Musika Eskolako Ikasleek eskainiko dute, goizeko 10:00etatik 13:00etara, eskolako areto nagusian. Eta bestetik, Astigarragako Aiztondo Abesbatzak eskainiko du, Andre Mari elizan, 11:00etan.
Olentzerori gutuna emateko aukera, larunbatean
Olentzeroak opariak egiteko nahiko denbora izan dezan, astebete lehenago izango da gutunak emateko aukera Astigarragan. Lanak utzi eta gutunak jasoko ditu J. Barandiaran plazan, arratsaldeko 17:00etatik 20:00etara. Ondoren, txistorra-jana egingo dute, Plazan bertan.
Antzerkia,
gazte zein helduentzat
Larunbatean eta igandean antzerki emaldiak izango dira kultur etxean. Larunbatean helduentzako A gussssttto emanaldia izango da 22:00etan, Gurutze Beitia eta Gorka Aginagalde aktoreekin. Gaztelaniaz izango da, eta sarrerak bihar jarriko dituzte salgai, 5 euroan. Igandean berriz, umeentzako, Barre Laborategia antzezlana izango da, 17:30etan. Sarrarak 2,5 euro balio du.