Golden Apple Quarteten ondorioa, hernaniarren irribarre zabalena

Golden Apple Quartet taldea serio aritzekoa zen ostiralean Hernanin, hala iragarri zuten Hernani´n Musik ekimeneko aurkezpenean. Baina taldea ezagututa, sarrera erosi zuten dozenaka hernaniarrek bazekiten ez zela hala izango. Zazpigarren espektakulua aurkeztu zuten ostiralean Biteri bete-bete zela, eta nola ez, beste behin, bertaratutako guztien barrea eragin zuten; hala, amaiera ezin hobea eman zioten Hernani´n Musik ekimenari.