Urriza eta Etxeberria IIIa finalean dira

Urriza eta Etxeberria IIIa finalean dira Finalerako pasea lortu zuten Urriza eta Etxeberria IIIak larunbatean, Juaristi eta Lizasori 40-33 irabazita. Finalerdietako joaneko eta etorriko partiduak irabazi dituzte, eta 2-0ekoarekin, ez dute desenpatea jokatu beharrik izango. Bigarren partidua eta aurrenekoa oso antzekoak izan ziren. Urriza eta Etxeberria IIIa aurreratu ziren partidu hasieratik 4-2, baina Juaristi eta Lizasok berehala erreakzionatu zuten, eta buelta eman zioten markagailuari, 4-6. Orduan bakarrik izan ziren aurretik. Urriza eta Etxeberria IIIa nagusi izan ziren peloteoan eta tantuak bukatzerakoan, eta aurkariek tantu ugari galdu zituzten.