kontrakantxa Gaztetxeak laugarren urtemuga indartsu ospatuko du aurten, erakusketa, gaztetxe ezberdinen esperientziak, Gaubela eta jai erraldoiarekin. Lau urteak datorren astean beteko ditu, abenduaren 16an, eta data horri aurre hartuta, hasi dira ospakizunekin. Bihar bi gaztetxeetako esperientziak aztertuko dituzte, Grosekoa eta Gasteizekoa hain zuzen. Bertako kideak etorriko dira Hernanira, euren bizipen eta eskarmentuaren berri ematera; arratsaldeko 20:30etatik aurrera izango da, Kontrakantxan.
Datorren aste osoan zehar, ekintzak ia egunero
Urteurreneko ospakizunek larunbatean izango dute jarraipena, Kontrakantxan baita ere. Xake Txapelketa antolatu dute, arratsaldeko 17:00etan. Eta igandeko atsedenaldiaren ostean, egunero izango dira ekintzak. Astelehenean hasi eta ostiralera bitartean erakusketa jarriko dute Gaztetxean. Gazte Asanbladak egindako erakusketa da, eta bertan 2005-2010 bitarteko irudiak izango dira ikusgai. Ostegunean berriz, Okupazio Eguna ospatuko dute, Gaubela haundiarekin. Eta azken eguna, hilaren 18a, izango da egun nagusia, ospakizun erraldoia egingo dutena: brindisa, trikibertsopoteoa, bazkaria, monologoa, karaokea eta kontzertuak antolatu dituzte.
EKINTZEN EGITARAUA
Bihar, Gaztetxeen esperientziak: Groseko eta Gasteizko Gaztetxeen esperientziak eta luntxa, 20:30etatik aurrera.
Larunbatean, Xake Txapelketa haundia, 17:00etan.
Hilak 13-17, 2005-2010 Hernaniko Gazte Asanblada: ‘Bost urte hamaika iruditan’, arratsaldero 17:00etatik 21:00etara.
Hilak 16, Okupazio Eguna: Gaubela haundia, 20:00etan.
Hilak 18, ospakizun erraldoia:
- 12:00etan, Brindisa eta
trikibertsopoteoa.
- 14:00etan, bazkaria eta
monologoa
- 21:30etan, karaokea eta
kontzertuak.