Pelota maite dutenek bi zita eder dituzte Galarretan, bihar eta larunbatean. Binakako Txapelketa Nagusia, Azysa Torneoa, finalerdietan da, eta lau bikote ari dira finalerako lekuaren bila.
Lehenengo finalistak zein diren bihar jakin liteke: Zeberio IIa eta Ionek dituzte aukera gehien finalera pasatzeko, lehenengo partidua irabazi egin zutelako. Aurrean, Urtasun eta San Miguel izango dituzte, sekulako jokuarekin dauden bi gazte. Bi partidu irabazten dituena pasako da finalera, beraz, gazteek gaur irabazi beharra daukate. Jaialdia 16:00etan hasiko da, eta bigarren partidua da txapelketakoa.
Larunbatean beste finalerdia jokatuko da. Zein baino zein: Urriza eta Etxeberria IIIa batetik (partidu bat irabazita), eta Juaristi eta Lizaso bestetik.
Estu dira kontuak, eta finalerako burrukan, espektakulua, Galarretan dago.