Abenduaren 16an lau urte beteko dira Hernaniko gazteek Kontrakantxa Gaztetxea martxan jarri zutenetik eta urteurrenaren harira, ekintza ugari antolatu dituzte abenduan zehar. Joan den ostiralean hasi ziren ospakizunekin. Euskeraren Egunarekin bat egin eta Bidaia intimoak dokumentala eskaini zuten.
Eta urteurreneko ospakizunak ostiralean izango du jarraipena. Gaztetxe ezberdinen esperientziak aztertuko dituzte. Horretarako, Groseko eta Gasteizko Gaztetxeetako kideak gonbidatuko dituzte. Hori 20:30etatik aurrera izango da. Larunbatean, berriz, Xake Txapelketa antolatu dute, 17:00etan. Ekintzak Kontrakantxan izango dira.
Datorren astea, indartsu
Abenduaren 16a datorren astean dela kontuan izanda, ekintza gehienak orduan izango dira. Astelehenetik ostiralera, hau da, hilaren 13tik 17ra, erakusketa izango da arratsaldero, Bost urte hamaika iruditan. Hilaren 16an, Okupazio Eguna izango da eta Gaubela haundia antolatu dute. Ospakizun erraldoia, berriz, hilaren 18rako, larunbaterako utzi dute. Eta luzatu dute parte hartzeko gonbitea: Eman sua, astindu goilara eta piztu Kontrakantxa!
EGITARAUA:
Hilak 10, Gaztetxeen esperientziak: Groseko eta Gasteizko Gaztetxeen esperientziak eta luntxa, 20:30etatik aurrera.
Hilak 11, Xake Txapelketa haundia, 17:00etan.
Hilak 13-17, 2005-2010 Hernaniko Gazte Asanblada: ‘Bost urte hamaika iruditan’, arratsaldero 17:00etatik 21:00etara.
Hilak 16, Okupazio Eguna: Gaubela haundia, 20:00etan.
Hilak 18, ospakizun erraldoia:
- 12:00etan, Brindisa eta
trikibertsopoteoa.
- 14:00etan, bazkaria eta
monologoa
- 21:30etan, karaokea eta
kontzertuak.