gaur hasiko da Azysa Binakako Txapelketako bigarren fasea, finalerdietakoa. Final laurdenetan sei bikotek parte hartu ostean, lau onenak sailkatu dira finalerdietarako. Orain arte bi taldetan banatuta jokatu dituzte partiduak, eta gaurtik aurrera, bi taldeak elkar gurutzatuko dira.
Finalerdiak, joan-etorrian
Urtasun eta San Miguelen, eta Zeberio eta Ionen arteko neurketa izango da aurrenekoa. Joan-etorrian jokatuko dira finalerdiak, hau da, bikote bakoitzak bi partidu jokatuko ditu, aurkari beraren kontra, eta biak irabaziz gero, final haundirako pasea ziurtatua izango du.
Zeberio eta Ionek B taldean jokatuko dute, eta partidu bakarra galdu dute final laurdenetan. Finalerdietarako pasea Uterga eta Urrutia Ia gailenduta lortu zuten, 40-31, joan den larunbatean. Elduaieneko txapeldunak, eta Ionek 78 tantu egin dituzte txapelketa hasi denetik, eta 71 tantu jaso dituzte. Bikote ona osatzen dutela erakutsi dute orain arte, eta finalera pasatzeko aukera haundia dute.
Finala jokatzeko beste bikote faboritoa Urtasun eta San Miguelek osatutakoa da, A taldeko aurrenekoa. Ez da erraza izango, Txapelketako bikote gazteena baitira, baina orain arteko mailarik onena beraiek erakutsi dute. Urtasunek lesio txiki bat izan zuen txorkatilean, eta ezin izan zuen joan den asteburuan jokatu, baina guztiz osatua dago gaurko partidurako.
Partidua arratsaldeko 16:00etan hasiko den jaialdiko bigarrena izango da.