Bizi arteko espetxealdiei buruzko hitzaldia izango da bihar Hernanin. Euskal Presoak Euskal Herrira eskubide guztiekin, egin dezagun urratsa lemapean, manifestazio nazionala deitu dute Euskal Herriko nahiz kanpoko hainbat herritarrek urtarrilaren 8an, Bilbon, eta deitzaile horiek antolatu dute hitzaldia. Bertan, bizi arteko espetxealdien gaia alde ezberdinetatik azalduko dute. Izan ere, alde batetik, Eugenio Irastortza preso ohiak hartuko du parte. Irastortzak 23 urte eta 6 hilabete egin ditu preso. Bestetik, bizi arteko espetxealdiak arlo juridikotik lantzen dituen Euskal Preso Politikoen abokatu batek hartuko du parte. Aurkezle eta moderatzaile lanetan, Martin Garitano kazetaria ariko da. Hitzaldia, 19:00etan izango da, Biterin.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!