Urumea ibaiaren egoera aztertzen duen Bidur proiektua aurkeztu die Diputazioak Udal, enpresa eta erakundeei

Bidur proiektua, hau da, Bi­dasoa eta Urumea ibaietako ekosistemaren kalitatea hobe­tzeko proiektua, 2009an jarri zu­en martxan Gipuz­koako Dipu­ta­zioak, Nafa­rroa­ko Go­ber­­nua eta Pirineo Atlan­ti­koe­tako Kon­tsei­luare­kin batera, eta astelehenean proiektua aur­keztu zitzaien Urumea ibaia­ren inguruko Udal, en­pre­sa eta erakundeen ordezkariei. Carlos Orma­zabal, Gara­pen Iraunkorreko diputatuak eta Rafael Uriba­rren, Landa Ingurunearen Garapeneko di­pu­tatuak hartu zuten parte. Aurkezpen ekitaldian, Uru­mea ibaiko ekosistemaren egoera hobetzeko orain arte egin diren ekintzen berri eman zen eta baita egitekoak direnen berri ere. Esaterako, lurraza­leko eta lurpeko urak eskuratzea aztertzen ari dira eta uraren egungo erabilera eta funtzioa ere bai. Egindako ekintzen artean aipatu zituzten, izokiak kon­trolatzeko sistema jartzea Zi­kuñagako paper fabrikako pre­san, eta ibaian dauden oztopoen artetik, Mendaraz­ko presa botatzea, besteak bes­te.

Urte ona, 178 izokirekin
Izokiek Urumea ibaian egiten dituzten joan-etorriak kon­­trolatzeko balio du Ziku­ñagako guneak eta azaldu zutenez, aurtengoa urte ona izan da. Maiatzaren 6an ikusi zen lehenengo izokia itsasotik bueltan eta ordutik 178 kontatu dituzte; iaz 24 bakarrik kontatu zituzten. Pozte­ko datuak direla azaldu zu­ten, izokiak uraren kalitatearen erakusle baitira. 99 oztopo Urumean Bidur proiektuaren barruan, Urumea ibaian dauden oztopoen inbentarioa ere egin da. Guz­tira 99 oztopo daude, hau da, egun funtziorik ez duten pre­sa txikiak, errota zaharrak... Ibai guztian zehar dau­de banatuta. Horietatik 14 ar­datz nagusian daude; gainerakoak, ibaiaren adarretan. Añar­­be ibai­an, esaterako, Uru­mea­ko adar na­gusian, %96an eragiten dute oztopoek. Proiek­tuaren as­moa da oztopo edo presa txi­ki ho­riek botatzea eta arrainen, batez ere izokiaren, populazioa be­rreskuratzea. Ondoren, habitataren kalitatearen eboluzioa ere aztertuko dute.

2011ko azaroan, emaitzak
Proiektua datorren urtean bu­katuko dute eta azaroan mintegia antolatuko dute bildutako datuen berri emateko. Infor­ma­zioa zabaltzeko liburu bat eta DVDa ateratzea ere aurreikusten dituzte, besteak beste.