hamaikabat alderdiak prentsa ohar bidez jakinarazi duenez, Hernaniko Udalak urtean 257.000 euro jaso behar ditu birziklatzeagatik, «hala aurkeztu zen Atez Atekoa jarri aurretik egin zen azterketa ekonomikoan», dio. «Eta sei hilabeteren ondoren, Udaleko kontuhartzailearen txostenaren arabera, zentimo bakar bat ere ez da sartu», nabarmendu du. Iñaki Arratibel alderdiko bozeramaileak honakoa gaineratu du: «Sei hilabeteotan, 130.000 euro jaso behar zituen udalak, beraien datuen arabera. Ez da diru-sarrerarik izan eta okerrena da, ez dirudiela kobratuko dugunik. Ingurumen saileko arduradunek herritarrak zelatatzen pasa duten denboraren erdia diru-sarrerei eskaini izan baliete, agian ez ginen horrela egongo».
Azalpenak eman bitartean, galdetzen jarraituko dutela dio alderdiak: «Non dira Atez Atekoaren diru-sarrerak?».
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!