Urteroko ganadu feria gaur, Goizuetan

Azaroko azken asteburua izaki, ganadu feria egingo dute gaur Goizuetan, eta Betizuak protagonismo bere­zia izango du. Azaro Kul­turala martxan da Goi­zuetan, eta gaurkoa da, batez ere bisitarientzat, egunik prezia­tuena.

Betizu, ardi, behor eta zaldiak, ferian
Ganaduko feriko protago­nista Betizua izango da gaurkoan, eta etorkizunean ere hala izango dela adierazi du an­tolakuntzak, egunari Betizu Eguna deitzeko asmoa azaldu baitute. Euskal He­rrian 700 Betizu-buru in­guru dau­de, eta horietatik ia herena, 200, Goizuetako sei es­plota­zioetan. 1975ean esa­terako, Nafarroako Go­ber­­nuak Beti­zuen arraza gar­bia manten­tzeko asmotan, bost Betizu ero­si zituen Goi­zuetako Mer­txenean base­rritik: zezen bat, bi behi eta txekor bat. Bost Be­tizuak Zarikiegiko mentietara bota zituzten, eta gaur egun, arraza hori kontsideratzen da  garbiena.
Gaurko ferian 15 Betizu inguru izango dira ikusgai, eta bestelako animaliarik ere ez da faltako: ardiak, be­ho­rrak, zal­diak eta abar. Horiez gain, ferian herriko produk­tuak ere salduko dituzte, hala nola, ba­razkiak, eztia, es­kulanak... Hala ere, eguneko bi ekitaldi na­gusiak beste bi izango dira. Aurten au­rren­eko aldiz, ne­kazal munduko ohitura za­harrak berreskura­tzeko asmo­tan, zoiean ariko dira; hau da, zoiari edo lurrari buelta ema­teko Goizuetan erabiltzen du­ten modua era­kutsiko dute. Beste ekitaldi nagusia baz­karia izango da, 500 lagunetik gora elkartuko dira.  
Eta sorpresa bat ere antolatu dute gaurko, feri hasierarako. Zer den jakiteko kuriositatea dutenek, goi­zeko 10:00etan hurbildu beharko dute, Goizuetara.