hernaniko Udal Plenoak aho batez onartu zituen ostegunean, bi mozio. Bi mozio horiek bi taldek aurkeztu dituzte, eta Marokok Sahara Mendebaldean egindako erasoak gaitzesten dituzte. Bat Gobernu Taldeak aurkeztu zuen, eta bestea Euskal Fondoa eta Euskadiko Frente Polisarioak. Bi mozio horiek batean biltzea hobea zela adierazi zuen EAJk, Gobernu Taldeak erantzun zion, saiatu zirela, baina nahiko lan konplikatua zela hori. Adieraz-pen Instituzionalek gogor salatzen dituzte Marokoko ejerzitoak egindako erasoak, bereziki, Aaiunen azaroaren 8an egindakoak, 14 hildako utzi zituztenak. Horrez gain, elkartasuna adierazi zieten, lurralde okupatuetan bizi diren saharaui guztiei.
Epaitegiaren sententzia, hondakin konpetentziei buruz
Hernaniko Udalak epaitegiaren sententzia bat jaso zuen azaroaren 18an. Hiri hondakinen konpetentziei buruz ari da sententzia, San Markori eta Udalari dagozkien egin beharrei buruz. Oposizioak sententzia horrek zer suposatuko duen galdetu zion Alkateari, osteguneko Plenoan. Beitialarrangoitiak adierazi zuen, txosten juridikoa eskatuko dutela, sententziak ez omen duelako argitzen zer egin behar duen Udalak. San Markorekin ere harremanetan daudela adierazi zuen Alkateak, eta ahal bezain laster adieraziko dutela zerbait.