Bi finalerdi eta mailari eustea jokoan, asteburu honetan

Asteburu honetan 8 partidu jokatuko dituzte Herna­niko pelotariek, Gipuzkoako Txapel­ke­taren barruan, eta horien artean, bi finalerdi eta mailari eustea daude jokoan. Alde batetik, kadete mailan, Alvarez eta Altunak finalerdietako joaneko partidua jokatuko dute Aurrera Saia­zen aurka. Partidu zaila espero dute. Gaur izango da 17:00etatik aurrera, Herna­nin. Bestetik, jubenil mailan, Urkizu eta Elorzak finalerdietako bueltako partidua jokatuko dute Gaztelekuren aur­ka. Joanekoan 22-16 irabazi zuten eta norgehiagoka parekatua espero da. Andoainen jokatuko dute gaur, 17:00e­tan. Eta seniorretan berriz, Ojuel eta Gorrotxategik mailaz ez jaisteko bueltako partidua jokatuko dute Behar Zanaren aurka. Joanekoan 22-6 irabazi zuten eta ez dute zailtasun haundirik espero datorren urtean ere Ohorezko mailan jokatzen jarraitzeko. Partidua bihar izango da Villabonan, 11:30etan. Eneko Aizpitarte Egiako Txapelketako finalean bihar Eneko Aizpitarte pelotari hernaniarrak Egiako Txapel­ke­tako finala jokatuko du bihar Xabier Urbieta asteasuarrarekin. Jua­ne­nea eta Rezusta izango dituzte aurkari. Nor­gehiagoka parekatua espero da. Finalera iristeko hiru partidu irabazi dituzte: Loidi-San­chez, Santxo-Jaka eta Oronoz-Irusta. Biharko finala Egian jokatuko da, 11:00etan. Gainerako 5 partiduak gaur Gipuzkoako Txapelketako bes­te bost partidu jokatuko dira gaur: eskuz banaka alebinetan, Manex Noble/Euskal Giroa, 17:00etan Hernanin eta Hon­da­rribi/Axel Alkorta, 16:00e­tan, Hondarribin; eskuz banaka in­fan­tiletan, Anti­gua/Ekaitz Cis­neros, 18:00e­tan Donostian; paleta jubeniletan, Sube­rri/Goi­­koe­txea-Hui­zi, 11:00e­tan Anoe­tan eta Intxu­rre/Pa­gola-Ugal­de, 16:30etan Alegian.