Beroizek gorriak ikusi zituen atzo

«Ondo buruz buruko parti­dua ikusi dugu!», zioen Iñaki Esnal pelotariak bukaeran. Eta arrazoi faltarik ez. Or­du­be­teko partidua, 282 pe­lo­takada, huts gutxi, egin­dako asko, emozioa... eta bi pe­lo­tariak hus­tuta. Fron­toia lepo, eta gi­roa... egun haun­die­ta­koa. Be­roizek ira­ba­zi zuen, 18-22, gorriak iku­sita. Men­di­zabal IIak eskutan izan zuen par­tidua, eta estu hartu zuen, oso estu, iazko txapelduna.

Ligila bu­katzeko partidu baten faltan, aurrera egiteko aukerarik ez du hernaniarrak. Azken partidua, Retegi Bi na­farraren kontra, bi aste barru. 

Lehen zatia gorri, 17-6 arte
Mendizabal IIak (gorriz jo­katu zuen) menderatu zuen lehen zatia. Joa eta errematea uztartu, eta Beroiz atzean izan zuen frontoian eta marka­gai­luan: 5-2, 9-3, 9-6, 17-6. 
Ordurako 182 pelotakada joak, eta bi pelotariak ne­ka­tuta; Mendizabal gehiago, jo­kuan; Beroiz nekatuago, itxu­­raz. Eta erremontada iri­tsi zen. 12 tanto jarraian egin, eta aurretik jarri zen nafarra, 17-18 (6 tanto sakez, 2 bipare­te­ko). Mendizabalek ez zuen par­ti­dua erregalatzeko, eta hil edo bizi jokatu zituen azken tantoak. Zortea ere alde ez, ordea. 18-18koak publikoa zutik jarri zuen.

18-18, partiduko tantua
Beroizen tanto ilada moztu beharra zeukan Mendizabal IIak. Eta hor iritsi zen tan­torik ederrena. Beroizek sa­kea bizi eta azpi-azpitik; Men­di­za­bal IIak aurrera bost pau­­so egin, eta sota­manoz 7ra. Na­fa­rrak eutsi, ahal be­zela. Kan­txa er­di­tik, ezker dotorez, berriz atze­ra; ekarri justu-justu. Atze­ra berriz, zabal­duz; es­ku­biz nekez arrima­tu... eta keinu eginda, dejada mate­ma­tikoa! Eta frontoia zuti­k, 3garren aldiz.
Aurretik izan ziren tanto ede­­rrak (10-6); ondoren ere bai gogorrak (18-22); orain, 18-18­koa izan zen parti­du­koa, emo­zioz, adorez, eta mailaz.