bihar arte dago erakusketa Biterin. Errapia Arte Taldekoek jarri dute. 20 artista guztira; bakoitzak bere artelanak. Ez da erakusketa ohizkoa, batera ikusi daitezkeelako moeta guztietako artelanak: marrazki, argazki, eskultura, diseinu... denetatik dago.
Errapiako 18 artista, gehi 2
Aitor Ruiz de Eguinoren eskulturak; Nagore Legarreta eta Nagore Lozaren argazkiak; Gorka Setienen Alo Alo lana, marrazkiak moldatuta egindakoa; Ainara Azpiazu Axpiren marrazki eta irudiak; Jon Zabaletaren pintura eta irudiak; Arkaitz Larrañagaren serigrafia lanak; Xabier Ormazabalek telarekin egindako lanak, Pupil bags marka pertsonal eta guzti; Kabukiren diseinu lanak (barbie-ak tendentzia jantzian); Patty Navalsen altzariak; Ziku Armendarizen pitxiak; Joxemi Erredondok egindako zeramikak; Ingeren burni lanak; Pello Goelloren pinturak; Maider Kalonje eta Patxi Monrealen egur tailak; eta Iker Valleren pintura eta eskulturak. Gonbidatuta lanak ekarri dituztenak: Pelexen egur lanak eta Oscar Galianaren eskultura eta argazkiak.
Errapiako lokalean eginak
Errapiaren lokalean aritzen dira artista horietatik gehienak, eta han egindako lanak jarri dituzte erakusketan. Zortzi urte daramazki taldeak funtzionatzen. Aurten, Errapia Festa zuten larunbatean, baina udaberrira atzeratu dute.