Juan Jose Arregi eta Fernando Garcia Vianak Liturgia eta Kristologiari buruzko azalpenak emango dituzte asteazken eta ostiralean. Orain dela 20 bat urtetik antolatzen den Hezkuntza-Astearen barruan izango da. Eurek azaldu bezala, jakinmina duten kristauei edo izan nahi dutenei zuzendua dago, «hau da, desoxidatzeko gogoa dutenei zuzendua, nolabait esateko». Helburua da jendea kontzientziatzea. «Jakin dezatela nahi dugu, zertara eta zergatik etortzen diren mezetara; zergatik ospatzen dituzten elizkizunak. Eta Jesus ezagutu dezatela, bera baita kristauen Fedearen zentrua».
Liturgia: Elizarenak diren ospakizun guztiak
Liturgiari buruz Arregi arituko da asteazkenean. Azaldutakoaren arabera, Liturgia osatzen dute Elizarenak diren ospakizun guztiek, eta bera saiatzen da azalpen bat ematen ospakizun guzti horien inguruan. «Oinarrizko azalpenak dira».
Kristologian, Jesus ezagutzen
Ostiralean berriz, Kristologia landuko du Garcia Vianak. «Kristologian Jesusen irudia aurkeztea da bilatzen dena; Kristo azaltzeko modu bat. Jesus ezagutzea garrantzitsua da, bera baita kristautasunaren Fedearen zentrua. Lantzen dugu nola bizi izan zen, zein bizimodu mota izan zuen, nola egin ziren ebanjelioak, ebanjelista bakoitzak zer bilatzen zuen...».
Kristautasuna sortu zenetik XXI mende pasa direla kontuan dute eta azalpenak mende guzti hauetan izandako aldaketetara egokitzen ahalegintzen dira. «Kristautasuna eta Jesus ulertzeko modua aldatu egin da eta gaur egungo kulturan nola ikusten den aztertzen dugu».
Maiatzera arte, hilabetean behin
Hezkuntza-Astea urrian hasi zen eta maiatzera arte luzatuko da. Hilabeteko azken asteazken eta ostiralean emango dute Arregik eta Garcia Vianak Liturgia eta Kristologia; nahi duenak du hitzaldietara joateko aukera. 20:00etan, Atetxikietan da hitzordua. Oraingoz 50 bat lagun biltzen dituzte bien artean. Bertan, bi gaien inguruko materiala banatzen dute, hala nola, fotokopiak, norberak karpetatxo bat sortzeko moduan.
«Nahi dugu, jendea jabetzea, zertara eta zergatik etortzen den mezetara»
Hezkuntza-Astearen barruan, Liturgia eta Kristologiari buruzko azalpenak emango dituzte gaur eta ostiralean Juan Jose Arregi eta Fernando Garcia Vianak. «Jakinmina duten kristauei eta izan nahi dutenei zuzendua da, hau da, desoxidatzeko gogoa dutenentzat», diote. 20:00etan Atetxikietan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!