Eusko jaurlaritzak Anfitriones izeneko formakuntza programa jarri du martxan, negozio-enpresen jabeentzat, erdi mailako arduradunentzat, eta bezeroekin harremanetan dauden langileentzat. Basquetour turismoaren euskal agentziarekin elkarlanean antolatu du formakuntza programa, eta bi helburu ditu: batetik, bezeroekiko harremana hobetzea, hau da, kalitatea hobetzea; eta bestetik, turismo arloan lehiakortasuna indartzea.
Ikastaroak euskalde osoan barrena emango dituzte, eta aurreneko saioa gaur izango dute, Andoainen. Hernanira abenduan etorriko dira.
Hiru saio abenduan,
guztiak Biteri kultur etxean
Hernaniko saioak abenduaren 2, 15 eta 16an izango dira, hirurak Biteri kultur etxean, 15:30etatik 19:30etara. Abenduaren 2an, aurreneko saioan, era atsegin batean harrera egiteko moduak erakutsiko dituzte. Bigarren saioan talde lanaren garrantziari buruz ariko dira. Eta azkenik, hirugarren saioan jomuga turistikoaren zerbitzuei buruz hitz egingo dute, eta baliabide turistikoak ere gomendatuko dituzte. Saioak gazteleraz izango dira, eta doan. Argibide gehiago 943 33 70 28-943 59 04 09 telefonoetan.