mendiriz Mendi elkarteak antolatutako Mendizale Astea gori-gorian da. Gaurkoan Esloveniako paisaiak ikusteko aukera izango dute Biterira hurbiltzen diren herritarrek. Proiekzioa Imanol Telletxeak eta Maria Eugenia Eguzkizak egingo dute; azaldu dutenez, Esloveniako orografia ikusgarria erakutsiko dituzte: mendiak, baso zeharka ezinak, aintzirak... eta baita Alpe Juliotarren Triglav mendiko igoeraren kontraesanak ere. Proiekzioa arratsaldeko 19:30etan izango da.
Herritarrek egindako
proiekzioak, bihar
Bihar herritarrak izango dira protagonista Mendizale Astean. Pilar Azpeitiak Dolomitak 2010 proiekzioa jarriko du, eta Aitor Dorronsorok, Afrika Hegoaldea-Bizikletaren iparrean. Bi proiekzioak Biterin izango dira.
Argazki Lehiaketako
proiekzioa eta sari banaketa
Azkenik, Astea borobiltzeko, Argazki Lehiaketarako jaso dituzten argazkien proiekzioa egingo dute, eta baita Elkarteak urtean zehar egindako argazkien erakusketa ere. Ondoren, Lehiaketako sari banaketa izango da.