Behobia-Donostia herri lasterketa izan zen atzo eta bertan, Sergio Roman izan zen hernaniarren artean azkarrena, iaz bezala. Sailkapen orokorrean, 21garrena iritsi zen helmugara, 1:06:47 denborarekin. Iaz baino denbora hobean bukatu zuen lasterketa Romanek; 96 segundo lehenago. Emakumezkoen artean ere, Cristina Descargak jarraitzen du Hernaniko bizkorrena izaten lasterketa honetan. Descargak 1:25:27ko denbora behar izan zuen lasterketa bukatzeko, iaz baino 5 minutu eta 83 segundo gehiago, eta sailkapen orokorrean, 2.448garrena geratu zen.
Lasterketako irabazlea Rafael Iglesias izan zen, joan den urtean bezala. 01:01:12an bukatu zituen 20km-ak. Emakumezkoetan, Maria Lopez de Tejadak lortu zuen aurrenekoa izatea, 01:15:10eko denborarekin.
186 parte hartzaile, Hernaniren izenean
Guztira 17.373 korrikalari iritsi ziren helmugara atzo eta horietatik 186 izan ziren Hernaniko herritar gisa izena eman zutenak.