Hernanik 4-0 irabazi dio Idiazabali

Erregional Ohorezko mai­lako taldeak Idiazabalen aurka jokatu zuen atzo etxean eta lidertza ondo irabazia due­la erakutsi zuen, beste behin. Partidu ona jokatu zuten txuri-berdeek eta 4-0 irabazi zioten Idiazabali, zailtasun haundirik gabe. Lehenengo zatian bi gol sartu zituzten. Iñaxio Zabaletak sartu zuen lehenengoa eta Aritz Lujan­biok bigarrena, penaltiz. Beste bi golak bigarren zatian iritsi ziren. Omarrek eta Iñaxio Zabaletak sartu zituzten. Ga­raipen horrekin Hernanik lider jarraitzen du.

Emakumezkoek eta Liga Nazionaleko jubenilek gaur
Emakumezkoen Ligan, Ama­ra Berriren aurka jokatuko du gaur Hernanik 15:45etan Mar­tu­te­ne­ko zelaian. Liga Nazio­na­leko jubenilek berriz, Are­txa­ba­le­taren aurka jokatuko dute 16:30etan, Ibarran.