Angel Olaranek zuzendutako proiektuko atletak, emakumezkoetan faborito

Wukrotik etorritako Tir­has Enun eta Tigsti Gebre­selassie, 19 urteko etiopia­rrak, dira gaurko Behobia-Donos­tia irabazteko hautagai nagusiak emaku­mezkoetan. Angel Olaran misiolari her­naniarrak Wukron zuzen­tzen duen giza-proiektutik ate­ra dira Etio­pi­a­­ko atletis­mo­ak eman dituen azken bi ha­rri­bitxi hauek, eta atletis­moa­ren munduan au­ke­ra ba­ten bila etorri dira bes­t­e hiru ko­rri­kalari etiopi­arrekin bate­ra. Berhane Fanta da beraien entrenatzailea Wukron, eta bost korrikalari aukeratu zi­tuen Gipuzkoara etorri, eta beraien gaitasuna eta Etio­pian egiten duten lana era­kuste­ko. Enun eta Gebreselassie dira orain arte gehien nabar­men­du direnak. Hiru Hon­dar­tzetako krossean eta 15 kilometroko Klasikan erraz irabazi zuten, eta errekor guztiak nabarmen gainditu zituzten. Gaurko karreran faborito na­gusiak izango dira, eta askoren ustez, Rocio Igle­sia­sek 1996ean ezarritako erre­korra hausteko aukera ere izan­go dute. «Errekorra haus­ten saiatuko gara. Zir­kuitoa ikus­tera eraman gai­tuz­te eta nahiko gogorra dirudi. Karrera oso polita dela eta jende asko ikustera etortzen dela ere kontatu digute». Donostiako Maratoian parte hartzeko aukera ere izango dute, eta ondoren, Wukrora itzuliko dira.