Gaztain erreak, sagardoa eta azoka bihar, auzoko festaren bueltan

Udazken Kulturala asteazkenean hasi zen Ereñotzun eta hiru egunetan ekintza ezberdinak izan dira; hala nola, Afrika hegoaldeko eta Marokoko ar­gazkien diapositiba emanaldi­ak, pelikula emanaldia... Gaur, berriz, atseden hartzeko eguna izango dute. Eta beharko atseden hartu, bihar auzoko festa baitute. Urtero bezala, gaztain erreak jan, bertako sagardoak probatu eta auzoko produktuak erosteko aukera izango da, plazan. Postreen lehiaketa ere izango da. Hori dena arra­tsaldeko 17:00etatik aurrera. Goiz partean, berriz, umeentzako antzerki emanaldia antolatu dute: Hiru, bi, zast... egizu jolas! Hori Kultur Etxe­an izango da, 11:30etan.

Bailarako landare mehatxatuak eta auzo udala hizketagai datorren astean
Udazken Kulturala abenduaren 10era arte luzatuko da eta ordura arte ekintza ezberdin ugari izango dira. Datorrean as­tean, esateko, bi hitzaldi eman­go dituzte. Asteazke­ne­an, bailarako landare meha­txatuez ariko da Iñaki Sanz-Azkue biologo hernaniarra eta ostegunean, Ereñotzuko auzo uda­la bizi berritzeaz ariko da Jakoba Errekondo, Zerain he­rria eredu hartuta. Bi hitzaldiak 19:30etan izango dira Kul­tur Etxean. Bertso afarirako txartelak salgai Aurtengo Udazken Kultura­le­an bertso afaria ere ez da faltako. Azaroaren 19an, hau da, da­torren ostiralean izango da Ur-mia elkartean. Maialen Lu­jan­bio eta Unai Agirre ariko di­ra bertsotan. Txartelak salgai dau­de 25 euroan, elkartean ber­­tan, edo telefonoz deituta ere hartu daiteke lekua: 625 703 656.

Oinezko bide berrian barrena, ibilaldia
Goiz pasa ederra egiteko auke­­ra ere izango da hurrengo larunbatean. Ere­ñotzu-Fago­llaga oinez­­ko bi­de be­­rrian barrena ibilaldia an­tolatu dute. Bertan landatuko diren zuhaitzen inguruko azalpena emango du Igor Er­bi­tik. Pla­zatik abiatuko dira 11:00e­tan. Elikadurari buruzko azalpenak ere emango ditu Garbi­ñe Aizpuruk azaroaren 24an. Elikadura orekatua-elikadura osasungarria hitzaldia izan­go da 19:30etan Kultur Etxean. Aben­duaren 10ean, be­rriz, Pe­dro Mari Otañoren bizitzako hainbat pasarte eta bertso en­tzuteko aukera izango da Amuriza eta Peñaga­rikanoren eskutik. Ur-mia el­kar­tean izango da 22:00etan.

 
Bihar - igandea
11:30 Umeentzako emanaldia, Kultur Etxean. Hiru, bi zast...
egizu jolas!
17:00 Auzoko Festa, Plazan. Bertako sagardoak, gaztain
erreak, auzoko produktu azoka, eta lehiaketa: postreak.
Azaroak 17 - asteazkena
19:30 Hitzaldia. Iñaki Sanz.
Kultur Etxean. Bailarako Landare Mehatxatuak.
Azaroak 18 - osteguna
19:30 Hitzaldia. Jakoba Errekondo. Kultur Etxean. Ereñotzuko Auzo Udala bizi berri­tzen, Zerain herria eredu.
Azaroak 19 - ostirala
20:30 Bertso Afaria, Ur-Mian
(sarrerak Ur-Mian 25 € edo 625 703 656 telefonora deitu). Maialen Lujanbio, Unai Agirre.
Azaroak 20 - larunbata
11:00 Ereñotzu-Fagollaga oinezko bidea. Landatuko diren zuhaitzen azalpena, Igor Erbitik (irteera, Plazatik). 
Azaroak 24 - asteazkena
19:30 Hitzaldia, Kultur Etxean. Garbiñe Aizpuru. Elikadura
orekatua=elikadura osasungarria.
Abenduak 10 - ostirala
22:00 Bertso-zaharrak, Ur-Mian. Amuriza eta Peñagarikano. Pedro Mari Otañoren bizitzako hainbat pasarte eta bertso.
EGUNERO ARGAZKI ERAKUSKETA, ekitaldi egunetan: ‘Bailarako
landare mehatxatuak’.