Ongintzak antolatuta, adinduei zuzendutako baliabide eta zerbitzuei buruzko hitzaldi informatiboa izango da asteartean: Adinduentzako baliabide eta zerbitzuak. Ongintzako bi gizarte langilek emango dituzte azalpenak: Inma Lopetegik eta Antton Aizkorretak. Arratsaldeko 17:00etan izango da Goiz Eguzkin.
Ikastaro aberasgarria
Manejo de Trastornos del comportamiento izeneko ikastaroa, hau da, portaeran izaten diren gora-beherei buruzko ikastaroa bukatu berri dute Ongintzan eta jakinarazi dutenez, iaz bezala, izugarrizko arrakasta izan du eta Biteriko Ikastaro gela txiki geratu zen: 25 pertsonetara mugatua zegoen ikastaroa eta 28ra zabaldu behar izan dute. Iraia Agirregabiria Psikologo eta hizlariaren esanetan, jendearen parte-hartzea haundia izan da eta ikastaroak dementzia desberdinak ezagutzeko eta horiek dituzten pertsonak nola tratatu jakiteko balioko die: «aberasgarria izan da».