HERNANIKO Fotoforum Argazkilari Elkarteak testigua hartu, eta Euskal Herriko argazkilari elkarteen topaketa antolatu du. Larunbetean egingo da topaketaren 11garren edizioa Hernanin, eta egun guztirako ekitaldiak antolatu dituzte, gehienak Villa Ave Marian. Aitor Saizarrek Kronikari adierazitakoaren arabera 50tik gora argazkilari elkartuko dira, bazter guztietatik etorritakoak, hala nola, Azpeitia, Ordizia, Eibar, Irun, Bilbo, Derio, Legazpi, Donostia eta abar. Topaketaren helburua da argazkilarien arteko harremana sendotzea, eta bakoitzaren ezagutzak trukatzea.
Ekitaldiak goizetik arratsaldera bitartean izango dira, eta besteak beste, hitzaldia, Chillida-Lekura bisita eta bazkaria antolatu dituzte.
EGITARAUA:
09:00 Gosaria
09:30 Erakusleen aurkezpena
11:00 Chillida-Lekura bisita
13:30 Alorrenean bazkaria
17:00 Erakusleen esposaketa
19:00 Agurra