20.000 etxebizitza, hiru herritan

Donostialdean 40.000 etxebizitza berri egingo dira datozen 15 urteetan. Hori da Eusko Jaurlaritzak dioena, Donostialdeako Lurraldearen Zatiko Planean. Irunen, Pasaian eta Donostian bertan egingo da etxe gehiena. Donostian 16.000 egingo dira, eta Astigarragan eta Hernanin beste 4.500 inguru. Hiru herritan, 20.000 inguru; erdiak, babes ofizialekoak aurreikusi dituzte.

Gaur egun 176.000 etxebizitza ditu Donostialdea osoak (13 herri), eta 2025­era­ko beste 40.000 egitea aurreikusten da. Horie­ta­tik 20.000 inguru, hiru he­rri­tan egingo dira: Do­nos­tian, Hernanin eta Asti­ga­rra­gan. Eusko Jaurlaritzak aurkeztu zuen joan den urriaren 22an Donos­tial­dea­ko Zatiko Plana, eta ber­­tan zehazten da, 13 herri horiek nola haziko diren datozen 15 urteetan. Etxebizitzak, azpiegiturak, industria, gune berdeak, garraioa... Plana era­kusketan dago Donos­tiako Aqua­rium­ean azaroaren 20ra arte.

Urumea ertzean, 8.000
Donostiak Astigarragako mugaraino luzatuko du hiria, datozen 15 urteetan. Loiolan 1.540 etxebizitza egingo dira, kuartela le­kuz aldatzen denean; eta Mar­tutenen, 4.131 etxebizitza dijoaz Antondegiko mendian. Astigarragak ere 1.720 etxebezitza ditu egitekoak, Ergobiko erriberetan gehienak. Bertan AHTaren nazioarteko geltokia egingo dute eta haren inguruan aurreikusi dira etxebizitza gehienak.   Hernanin, Flori­dan aurreikusi dira gehiena: 745 etxebizitza, guztira.
Eusko Jaur­la­ritzako ba­­re­­moen gainetik haziko dira Donostialdeako he­rri gehienak. Jaurlaritzak dio­e­nez, 4,93 etxebizi­tza egin beharko lirateke ur­tean, 1.000 biztanleko.      Horren ara­bera, 15 urtean Herna­nin 1.480 etxebizitza egin beharko lirateke; Do­nos­tian 13.500; eta Asti­ga­rra­gan 350.

%50 babes ofizialekoak
Aurreko urteetatik gehien aldatu den puntua da, babes ofizialeko politika aldatu egingo dela. %50 in­guru babes ofizialeko etxeak izango dira, Do­nos­­tian, Hernanin eta As­ti­garragan. Hernanik izango ditu proportzioan ba­bes ofizialeko etxe gehien. Guztira 1.400 inguru, proiek­tu nagusienetan.

Herri-guneen dentsitatea, 68 etxebizitza hektareako
Donostialdeako 13 herriak kontuan hartuta, 176.000 etxebizitza daude gaur egun. 5.000 landa eremuetan daude; gainerako 171.000 hiri-gu­neetan. Hiri edo herri-gu­neetako den­tsitatea da, 68 etxebizitza hektarea ba­koi­­tzeko; oso indize onargarria, Eusko Jaurlaritzak dioenez. yy