Izoki taldea ikusi dute Urumean; 21 izoki, batera

Gipuzkoako Foru Aldun­diak eman du datua. Aza­roaren 3an, 21 izokiko taldea ikusi zuten Urumea ibaian, denak batera. 2009an, urte guztian, 24 pasa ziren kontrol gunetik (Zi­ku­ña­ga­ko presan dago kaiola mo­du­ko bat, izokiak kontrolatu eta berriz askatzeko). Aurten egun bakar batean pasa dira hain­bes­te, eta urte guztian berriz, dezente gehiago pasa dira: 118 izoki guztira. Lehen­da­bizikoa maiatzaren 6an pasa zen. Normala izaten da urte ba­tetik bestera horrelako aldea izatea. Hori da Diputaziotik jaki­narazi dutena. Hala ere, izoki-kopurua gora dijoala jakinekoa da, eta aurtengo datua oraindik gehiago igo litekeela uste dute adituek. «Udazkena euritsua bada, litekeena da, aurten Urumean izokin asko sartzea, eta 2002­ko kopuru famatua gaindi­tzea». 2002an 200 izoki sartu ziren Urumean.