Gipuzkoako XIV. Euskal Kantu Txapelketa hasiko da gaur. Bertan, Hernaniko hiru partaide ariko dira lehian Gipuzkoako ahots preziatuenak izateko asmoz: Iosune Marin eta Arantxa Aira bakarlari gisa eta Gobara Hernaniko taldea. Marinek gaur hartuko du parte, lehenengo kanporaketan. Azkoitiko Baztartxo Antzokian, izango da saioa, 18:00etan hasita. Airaren eta Gobara taldearen txanda berriz, azaroaren 14an, datorren igandean izango da. Bigarren kanporaketa hori Urretxu-Zumarragako Labeaga aretoan izango da, 18:00etan. Marinek, berak sortutako 2 abesti kantatuko ditu Iosune Marin 17 urteko gaztea da eta bi abesti aurkeztuko ditu gaur; biak berak sortuak: Irlaren aurrean eta Martxoko egun ilunak. Gaur 8 partaidek hartuko dute parte. Arantxa Airak berriz, 16 urte ditu eta abesti bakarra aurkeztuko du datorren igandean: Alaitz eta Maiderren Itzulerarik gabeko joana. Gobara taldearen kasuan ere abesti bat aurkeztuko dute: Esne Beltza taldearen Esne Zopak proiektuko Baltxekua kanta. Taldea 15-16 urte bitarteko bost hernaniarrek osatzen dute: Uxue Bereziartua, Amaia Iradi, Olatz Jaka, Leire Arizaga eta Eneka Gorrotxategik.
12 partaide finalera
Txapelketan, guztira, 27 parte hartzaile lehiatuko dira: 14 bakarlari, 5 bikote eta 7 talde. Partaide guztiak 15-21 urte bitartekoak dira, 3 izan ezik.
Bi kanporaketak kontuan hartuz, puntuazio altuena lortzen duten 12 partaide pasatuko dira finalera. Ez da kontuan hartuko zenbat bakarlari, bikote edo talde diren. Finala azaroaren 21ean izango da Donostiako Antzoki Zaharrean, 18:00etan.