Munduko produktuak eta euskal identitatea, Tilosetako karpa erraldoian

Tiloseta itxuraldatu egin da asteburu honetan. Azokak jarri dio kolorea, eta hitzaldi eta kontzertuek jantziko du­te, hiru egunetan. Euskal iden­titateari buruzko festa da, Txoria Txori taldeak eta Nabarraldek an­to­latua. Azo­kan badira, pitxiak, arropak, jaboiak, belarrak, eta jatena, nahi adina: olagarroa, keba­b­a, erretegia eta bertako pro­duktuak... Tiobiboak ere ba­dira, eta haurrentzako par­kea, bertatik mugitu gabe goiz edo arratsalde pasa egi­te­ko. Giroa alaitzen ibiliko dira, Hernani Musika Esko­lako kideak, zanpantzarrak eta musikari gehiago. Postuen artean, bada bat Nabarraldek jarria, eta bertan izango dira ekitaldi gehienak.

Ekitaldi nagusia, eguerdian
Gaur hiru hitzaldi izango dira Nabarraldeko gunean: Iza­rren Argia filmaren doku­men­tala bota ondoren hitz egingo dute Gotzon Gar­men­dia eta Antxon Gomezek, goi­zean. Arratsaldean, Euskal Herri independiente bat eko­nomikoki bideragarria litza­te­keen azalduko dute, bi hi­tzal­ditan jarraian, Irati Az­kuek eta Oskar Arantzabalek. Ekitaldi nagusia eguerdiko 12:30etan hasiko da. An­tzer­kia egingo dute aurrena, eta gero Saturrarango kartzelako gertaerak gogoratuko dituz­te, memoria historikoari bu­ruz­ko hitzaldi batean.

Xiberuko kantuak, a capella
Eguerdian Xiberuko talde ba­tek kantatuko ditu Pirineo­tako kantu tradizionalak, Jean Bor­da­xar laukoteak, 13:00ean. 20:00­etan, bertso saioa.

ORHIPEAN EGITARAUA
Tilosetan
Azaroak 6 - Larunbata
10:30 Azoka. Artisautza eta elikagaiak.
11:00 Gure Herria. Euskal Herriko Egiaren Batzordea. Izarren argia filmaren dokumentala. Gotzon Garmendia, Antxon Gomez (Lau Haizetara Gogoan)
12:30 Ekitaldi Nagusia.

• -Orhiko xoria, Orhin laket. Antzerkia. Marifeli Etxeandia, Josu Kamara (Kukubiltxo).
• -Aldarria, Ilargiaren Argia (Saturrarango kartzela).

13:00 Musika emanaldia. Jean Bordaxar Laukotea (Xiberua) a capella. Pirineoetako kantu tradizionalak.
16:30 Gure herria. Hitzaldiak.

• -EHko ekonomiaren eta gizartearen Atlasa. Irati Azkue (Gaindegia).
• -Estatu independiente baten bideragarritasun ekonomikoa. Oskar Arantzabal.
  

20:00 Ahozko literatura. Bertso saioa. Xabier Sukia, Ibai Esoain.